انت طفشانة او انت طفشان طيب وش الحل في رايكم واحنا عندنا اجازة طويلة عريضة لازم نستغلها بس كيف غشان تعرفوا اقروا هذا الموضوع

اهم الخطوات في استغلال الوقت ثلاثة امور :

معرفة اهمية الوقت ، وتنظيم الوقت ، تحديد الاولويات ،،


فهذه الثلاث شغلات اذا كانت واضحه عند كل واحد يقدر يستغل وقته ايما استغلال ،،

ووسائل استغلال الوقت كثيره جدا ، واللي ذكرتيه من درر غيض من فيض هذه الامور ، ولكن خل نتعب شوي نفسنا وخل نفكر شلون نستغل وقتنا ،،


4- عند خروجك من المنزل .. ضع كتيّب صغير في حقيبتك أو في جيبك ..
سواء كان الكتّيب هو كتاب القرآن الكريم أو كتيّب ادعية أو شيء آخر ..
ربما تصادفك لحظات انتظار ، كـ انتظار الطبيب في العيادة .. فبهذه الطريقة استغلّيت وقت انتظارك ..


هذي طريقه مجربه ، وفعلا يستفيد الواحد منها ايما استفاده ، لأن حرام يضيع وقتنا عالفاضي ، وهم يقدر يحط وياه مصحف صغير بجيبه مايضره ومتى مالقى فرصه طلعه وقرأ منه ،،

5- رطّب لسانك بذكر الله ..

ذكرتيني بمطعمنا الهندي اللي يم بيتنا ، حاط ستكر عالطوفه مكتوب فيه (( أشغل لحظات الانتظار بالاذكار )) او جملة مشابهه ، وفعلا شغله حلوه ان الواحد يحط بجيبه كتيب اذكار او حتى لو كرت بو عشر فلوس موثقيل وللاشي ، يحطه ومتى مافضى قراه ، وهم مع الايام يحاول يخفظ الاذكار علشان مايحتاج انه يقراهم ، في حال نسى الكرت او الكتيب ،،


ايضا من الوسائل المفيده جدا جدا جدا في استغلال الوقت وهذي مففيده حيل لأصحاب السيارات الا وهي ، سماع اشرطة الدروس والمحاضرات والقرآن ، وخاصة بزحمة الدوامات اللي تضيق الخلق ، حط لك شريط ماتوصل مكان دوامك الا مخلصه ،،

هذا ماكان عندي ، واعتذر عن الاطاله ،،