ليــــــــه احبــــــــــــــــك

تسألني وش مكانك بقلبي
انت على قلبي متوج أمير

تبي تعرف غلاك أحلف بربي
أنك أغلى البشر وأغلى عشير

للحين تسألني وتشك بحبي
وانت منزلك عالي وشأنك خطير

سبحان من وحد دربك ودربي
خطانا بالهوى تتوحد تسير

أحلم بقربك وانت ودك بقربي
ليت الحلم يتحقق ليته يصير

لا سمعتك صرت طفل يحبي
يشتاق لحظن أمه وده يطير

عندي طلب واحد ليتك تلبي
لو افترقنا قلبي يبقى عندك أسير

خذ قلبي أمانة وهذا مطلبي
لاجل أظمن اني مو لغيرك أصير

لو أوصف غلاك أشعاري تنهزم بي
تستنجد أبيات شعري وتستجير

ما تحتمل من زود شوق لعب بي
الشوق يحرقها بنار وسعير

لا تسأل العاشق قلبه وش مخبي
قلبه الملهوف يصبح كسير