موسوعة نكت حلوة جداً

دكتور بيطري بيقول لمراته انا بهيم في حبك قالتله وانا ماقدرش ارفسلك طلب

.................................
قهوجى خلف ولد من غير وش

..................................
سالوة جحاا:عندك كام سنه؟ قالهم:40. سالوة بعد10سنين :عندك كام سنه ؟ قالهم:40.سالوه اذاى بتقول ان عندك 40سنه وانت قلت كدة من عشر سنين؟ قالهم:اصل كلمة الراجل واحدة

...............................
مدرس عربى دخل الفصل قال النهارده حصة املاء .... يا اولاد اكتبوا ورايا: ذهب حسام الى المصيف يوم الاربعاء.. راح ولد قام وقال لو سمحت يا استاذ هو الاربعاء همزة على السطر ولاّ على الالف ؟؟؟ الاستاذ قاله خلاص يا ابنى خليها الخميس

................................

مرة واحد بخيل اوى ابنه شافه من البلكونة قعد يقول بابا بابا بابا الأب قاله بس يا حيوان بابا واحدة كفاية

............................
سالو واحد بخيل طحن :تعمل ايه لو الدنيا بردت؟
قال:اروح جنب الدفاية قالواله:طب لو بردت اكتر؟قال:اقرب من الدفاية قالواله:طب لو نزل تلج؟قال:اشغل الدفاية و امرى الى الله

...........................
مرة فار مسطول بيقول القطط كلها تحت جذمتى لقى وراه قط اسود قال الا ابو سمرة حبيبى

..........................
مرة واحد راح السودان باليل ملقاش حد

............................
مرة واحد بلديات رجع لزوجته قالها الحمار ضاع منى قالتله ولا يهمك دخلتك علينا بمليون حمار

................................

مرة واحد كسلان جدا كان فى لجنة الامتحان القلم وقع منه فى اول اللجنة فقام سلم الورقة

..................................
محشش قاعد يتفرج مباراة ريال مدريد ..سمع المذيع يقول فاول لصالح رونالدو قال : تصدقون اليوم فقط عرفت ان اسم رونالدو الاول هو صالح

.....................................

مرة اتنيين مساطيل راكبين عربيه فواحد بيقول للتاني "حاسب قدامك شجره" فمردش عليه راح مزعق شويه وقال "حااااسب قداااامك شجرة" برضه مردش عليه طراااااخ خبطوا في الشجره فقال الاول "مش قلتلك قدامك شجره" رد عليه وقاله "اعملك ايه مش انت الي سايق"

..........................................

مرة واحد خد الدواء قبل معاده ليه علشان يفاجئ الجراثيم

............................................
محشش قطع راس اخوه وهو نايم وقعد يضحك ويقول ده هيتهبل لما يصحى وميلاقيهاش

.............................................
مر واحد بارد اوى ركب الإتوبيس لقى واحدة حلوة غمزلها غمزتله ضحكلها ضحكتله قالها انزلى المحطة الجاية نزلت قعد مكانها

.......................................
واحد اعمى ربنا شفاه اتشل من الصدمه

........................................
مرة واحد عندو مرض الكسل وكان معاة ابنو وبرضو عندو مرض الكسل
ومرات الراجل كان برة وجات وماكنش معاها مفتاح فرنت فالاب بيقول للابن قوم افتح الباب لامك فالواد قالو قوم انت راح الاب قال دى امك راح الزاد قال دى مراتك الاب قال ياد دى امك قوم افتح راح الابن قال ودى مراتك قوم افتح
فالاب بقى قال اية امك طلقة بالتلاتة قوم افتح بقى

........................................
واحد بلدياتنا مراته اغمى عليها شممها رجله

.....................................
مرة اتنين اغبية ماشيين فى الصحرا طلع عليهم اسد واحد رمى عليه طوبه وقعد يجرى و بص وراه لقى صاحبه واقف ما بيجريش قاله مابتجريش ليه؟قاله و اجرى ليه هو انا اللى ضربته

...................................
احووووووول قرر يهرب من المدرسة راح غرفة المدييير

....................................
واحد بلدياتنا اول مرة يسوق طيارة هليكوبتر حس ببرد قفل المروحة

...................................
عملوا مسابقة لتعجيز الكمبيوتر كل ما حد يساله سؤال يجاوب فى اقل من دقيقة جه واحد بلدياتنا حط ورقة فيها السؤال بتاعه الكمبيوتر اتحرق و طلع دخان فقالوله:سؤالك كان ايه؟فقال بلدياتنا:جلت له ابو جردان جبل ما يخلف جردان كان اسمه ايه؟

...............................
ظريف عاش فى الدور جيه واحد اظرف عاش فى الدور اللى فوقيه

..................................
جماعة بيحششوا فجت كبسة كل واحد استخبه فى شوال جه الضابط ضرب الشوال الاول برجله خرج واحد منهم و اعد يكاكى و عامل نفسه فرخه وضرب الثانى فخرج و اعد يدن و عامل نفسه ديك ضرب الثالث مخرجش ضربه تانى مخرجش ضربه جامد المرة دى خرج وقاله شوال بطاطس بطاااااااااااااااااااطس انت ما بتفهمش

.................................
-مرة واحد حشاش لما قبض المرتب راح البيت و قعد يقسمه100جنيه ايجار و 100جنيه مصروف البيت و200 جنيه حشيش و فجاة و هو قاعد سمع خبط على الباب فقال مين رد عليه اللى بره قالوله بوليس فراح مقطع ال200 جنيه حشيش

...............................
واحد بلديتنا كبر دماغه معرفش يخرجها من التيشرت

..................................
واحد مسطول بيقول لصاحبه مش عارف يا اخى عود الكبريت ده ما بيولعش ليه مع انه لسه مولع من شوية

.................................
محشش يسال محشش تتوقع الجمعة يوافق اخر الشهر؟رد عليه: لو ضغطنا عليه يمكن يوافق

.............................
واحد ندل فتح مصنع بيبسى كتب على كل علبة رج جيدا قبل الفتح

............................
مرة واحد مسطول ماشى مع حبيبته فى نص الليل فشافت ابوها فقالت :يالهوى بابا بابا فقالها :ما تخافيش قوليلوا اننا اخوكى

....................................
اتنين مساطيل اتخانقوا الحشيش يخلى الواحد يشوف التانى اتنين و لا تلاتة راحوا للمعلم يسالوه قالهم ده حسب الصنف وانتوا بأه جايين انتوا السبعة تسالونى

..................................
مرة اتنين حبيبه ماشيين مع بعض فالبنت بتقول لحبيبها قولى كلمة توقف قلبى قالها اخوكى وراكى

.....................................
واحدة عندها 3 بنات حبت تختبر ازواجهم بيحبوها ولا لأ خدت الاول و راحت على البحر و نزلت وغرقت نفسها قام الاول انقذها تانى يوم جاتله عربية جيب مكتوب عليها هدية من حماتك خدت التانى وعملت معاه نفس الموضوع برده انقذها تانى يوم جاتله عربية جيب مكتوب عليها هدية من حماتك جابت التالت وعملت معاه نفس الموضوع فسابها تغرق تانى يوم جاتله عربية مرسيدس مكتوب عليها هدية من حماك
.....................................

واحد ندل راح المقابر و شغل اغنية الحياة حلوة

......................................
مرة مجموعة صيادين رايحين يصطادو وكان معاهم كلابهم عشان لما يضربوا الفريسة بالنار الكلاب تجرى تجيبهاما عدا كلب واحد كان بيخاف من صوت الرصاص فقالو لصاحبه ياخده فى الافراح اللى بيحصل فيها ضرب نار عشان يتعود على صوت الرصاص فاخده صاحبه فى الافراح لمدة شهر و رجعوا يصطادو و اول ما ضربوا الرصاص الكلب اعد يزغرط

....................................
واحد غبى عنده ارق و مش عارف ينام صاحبه قاله عندى لك طريقة للنوم مؤكدة عد من واحد لخمسمية اخونا مكدبش خبر واول ما الدنيا ليلت راح للسرير و بدأ يعد و لما وصل الى مية تسعة و تسعين كبس عليه النوم قام جرى غسل وشه و رجع للسرير يكمل العد

....................................
واحد بخيل قال لاولاده لو نجحتوا هاوريكوا عربية الايس كريم

.....................................

واحد بلدياتنا دخل جنينة الاخلاقه عاليةات ودخل راسه في قفص الاسد، الحارس جري عليه
قاله انت بتعمل ايه، قاله ايه يابا يعني هناكله.

......................................
مرة واحد بلدياتنا مؤدب شاف الساعة واقفة جاب ليها الكرسى

....................................
صعيدى نام متأخر فاته الحلم

.....................................
مره واحد بلدياتنا ركب دماغه عمل حادثه

......................................
مرة واحد بلدياتنا نزل في محطة الرمل رجلة غرزت

....................................
واحد بلديتنا اتعزم على حفلة تنكرية بعت اخوه

......................................
واحد بلدياتنا راح يتمشى جابوه من على الحدود

..................................
مرة واحد بلدياتنا عرف ان الجلد موضة مشى عريان

..........................................
جماعة بلدياتنا عملوا أتوبيس بالعرض عشان يركبون كلهم قدام

...........................................
اتنين بلدياتنا عاوزين يشربو سجاير ومش معاهم قالو ندخل ميتم بيوزعو سجاير
هناك ، دخلو قعدو جمب واحد فى الصوان بيدخن قال الاول : انفاس معدودة وقال
التانى : كلنا لها رد الراجل : محدش واخد منها حاجة

.......................................
واحد صعيدى دخل محل اجهزه كهربائيه

الصعيدى:- لو سمحت التلفزيون ده بكاااام

البائع:-امشى اطلع بره ما بنبعش لصعايده

الصعيدى:-خرج متضايق ولبس بدله وركب شنب ودخل تانى
وقاله منغير لهجه الصعايده لوسمحت التلفزيون ده بكام

البائع:- امشى اطلع بره ما بنبعش لصعايده

الصعيدى:- خرج تانى ولبس لبس وحده ست

وقاله لو سمحت الTV ده بكااااام

البائع:- امشى اطلع بره ما بنبعش لصعايده

الصعيدى :- اتخنق جااااامد و قاله طي انت عرفتنى ازااااااااااااى

قاله علشان ده مش تلفزيوون دى غساله يا حمااااااااااااااااااار

.................................................. .
مرة دكتور عيون ماشى وبعدين لاقى اشارة المرور حمرا نزل
يحطلها قطرة

.................................................. ...
واحد باشا الزمن دار عليه وافتقر حب يشتغل اشتغل بتاع فجل وجرجير وقف فى السوق وهو لابس الطربوش وبيقول فجل يا حوش جرجير يا كلاب

.................................................. .
واحد مسطول ماشى فى الشارع قابل واحد قاله ازيك يا محمد انت اتغيرت اوى يا محمد عنيك ووشك وشكلك
اتغير قوى يا محمد رد عليه وقاله انا مش محمد قاله ياه وكمان غيرت اسمك

...............................................
مره تلاته مساطيل قاعدين بيحششوا قدام مرايه فواحد منهم بص فى المرايه وقالهم يا جماعه مش ملاحظين من اول ما قعدنا
وفى تلاته قعدين قصدنا بيرقبونا فقوموا واحد منهم عشان يشوف ايه الحكايه فاول ما قام قالوله خلاص اقعد فى واحد منهم جاى علينا

.................................................
مرة واحدة خبطت على جارتها قالت لها الحقينى يا ام احمد قالت لها ايه قالت جوزى
وهى بيجيب الملوخية خبطه اوتبيس قالت ها ها وعملتى ايه قالت لها طبخت باميه وامرى لله

.................................................. .
ميكانيكي اشترى سرير
نام تحته

.................................................. ...
واحده بتقول لجوزها قولى كلمه تحسسنى بالامان
قالها حرس الحدود

.................................................. .
مرة واحد بلدياتنا دخل الجيش فجية واحد زميله فعمال يحدف القنابل
فقال زميله ولما تفرقع فى وشك فقاله متخافش معايا غيرها

.................................................. ..
في مرة واحد صعيدي اول مرة يركب تاكسي فسواق التاكسي سكران فخبط واحد والصعيدي راكب معاه
فالسواق قال للصعيدي انزل شوفه مات ولا لسه اما الصعيدي نزل وقاله اطله قدام شوية كمان شوية قدام ايوة كده هو كده مات

.................................................. .
مره تلاته مجانين راحوا للدكتور بتاعهم فى المستشفى وقالوله انهم خفوا وعقلم راح الدكتور سالهم سؤال راح يسال الاول وقاله الخمسه فى سته بكام قام قاله بالف وربعميه
قاله غلط راح سال التانى وكرر السؤال راح جاوب وقاله بخمسين قاله غلط راح مكرر السؤال وسال التالت راح التالت مجاوب تلاتين راح الدكتور قاله برافو وعرفتها ازاى قاله انا طرحت الف وربعميه من خمسين طلع الناتج تلاتين

.................................................. ......
صعيدي حب واحدة، اتجوز اختها علشان
يشوفها كل يوم

.................................................. ...
حد و هو بيموت بص لمراته بصه كلها رومانسيه و قالها : انا لما اترفدت كنتي معايا ، و لما
عييت وقفتي جنبي، ولما فلست برضوا كنتي معايا ، و دلوقتى لسا جنبي ، مسك ايدها بحنيه و قالها : مش عارف ليه حاسس انك نحس

.................................................. ...
واحد صعيدي راكب اوتبيس وماشي على كوبري 6 اكتوبر والاتوبيس وقع في الماء الصعيدى طلع من
الاتوبيس وضرب غطس طلع واحد ورماه بره الماء طلع 20واحد رجل بيقوله انتا عملت عمل بطولى قله بطولى ايه ده
انا بدور على الكومسرى عشان اخد بأى العشرين جنيه

.................................................. .
مرة واحد كان قاعد مع صاحبة فبيقلة
الراجل : اسكت مش حماتى ماتت
صاحبة : يا راجل ماتت ازاى
الراجل : كنا انا ومراتى وحماتى قاعدين فى البلكونة وفجاة وقعت فى الشارع
صاحبة : يا حرام ماتت موتة بشعة
الراجل : لا ما هيا وقعت على سلك الكهرباء مش الارض
صاحبة : يا ماتت بالكهرباء موتة متوحشة
الراجل : لا ما هيا مامتتش
صاحبة : امال بتقول ماتت لية؟
الراجل : اصل سلك الكهرباء رماها على حمام السباحة
صاحبة : ماتت غرقانة يا حرام
الراجل : لا مامتتش غرقانة
صاحبة : امال بتقول ماتت لية؟
الراجل : اصل هيا لمة وقعت فى المية المية رمتها عندى فى البلكونة
صاحبة : طيب يبقى ازاى ماتت
الراجل : اصل اخر ما اتخنقت رحت جايب الاشرب بتاع مراتى وخنقتها

.............................................

ههههههههههههههههههههههههههههههههههههههه
يا سلام والله احلا نكت والله

ههههههههههههه عجبتني تبعت الظريف

هههههههههههههههههههههههههههههه هههههههههههههههههههههههههههه >>>>>>> لاحد يدورني فاطسه ضحك

» موسوعة موسيقى هادئه
» لكل طالب وطالبة مهم جداً ههههههههه
» مشكلة عائلية معقدة جداً
» نصائح للحجاج (مهم جداً للمقبلين على الحج)
» سكرابز مرة حلوة